行雲.流水.

由細到大都覺得,友情係天長地久,愛情係短暫無謂嘅.

我曾經以為係因為對方本身無法令我信任依靠,但其實我祗係唔相信愛情呢樣嘢.

偶爾我都想試下相信一D大傢都相信嘅嘢.我都想話自己知絕對唔係我唔相信愛情,而係那個人無法令我相信.

但係原來真係唔得噶.因為我唔相信嘅人係自己.

我以為自己曾經都起碼真正中意過.我以為自己起碼知道咩係中意嘅感覺

但有人話我知,中意係捉到嘅果剎那,果種痲痺.心跳.緊張又開心嘅感覺

而我,從來沒有喺人類身上得到過呢種感覺.

又再度懷疑,究竟自己有無中意過.可能祗有好少好少吧.

每次都不斷重復地懷疑自己,然后欺騙自己,再懷疑自己,再欺騙自己.

每次都不斷重復逃避,到最后告訴自己接受現實,然后動搖,然后又囬到逃避嘅起點.

明明係做唔到,卻死命以為自己仲有一絲可能可以做到.

每次都將所有人都徹底傷害嘞.先願意暫時接受呢個現實.

然后又因為太殘酷而開始逃避,開始催眠自己忘記現實.

不斷喺果個死鬍同度來囬地轉.

閙自己,憎自己,用疤痕告誡自己,但係都係忍唔住走入那個循環.

安慰自己那是因為我還有一點嘅人性,安慰自己那是因為我還未完全缺失那一部分嘅心.

一切都係假噶.係明知假都要相信嘅謊言.